پوسټ کوډ ۱۹۰۶۰۹
نیټه خپرول: يکشنبه ۲۴ چنګاښ ۱۳۹۷ ۰۸:۳۹

شاهین قول اردو: طالبانو د داعش درې

شاهین قول اردو په یوه بیان کې ویلي چې د جوزجان ولایت په درزاب ولسوالی کې د طالبانو او داعشیانو ترمنځ د نښتې په ترڅ کې ۱۲ داعش وسله وال وژل شوي او ۳۳ نور ټپیان دي.
خبرپاڼه زیاتوي، چې د نښتې په ترڅ کې د داعش درې ښځینه غړي د وسله والو طالبانو له خوا نیول شوی و چې تر جنسي تېري وروسته وژل شوي.
شاهنی قول اردو د ځایي سرچېنو په حواله ویلي چې د داعشیانو وژل شوي ښځینه غړي د ازبکستان او چچن وګړي وو.
په همدې حال کې شاهین قول اردو وایي د نښتې په ترڅ کې د طالبانو ۳ وسله وال هم وژل شوی او ۸ نور ټپيان دي.
د وسله والو طالبانو او داعشیانو په ګډون د دولت ضد وسله والې ډلې تر اوسه په دې اړه څه نه دي ویلي.
جوزجان د افغانستان په شمال کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.
د جوزجان په یو شمېر لرو پرتو سیمو کې اوس هم کله ناکله امنيتي پيښې رامنځته کیږي

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement