د افغانستان د کرکټ ملي نن ټیم د اسټرالیا له ملي ټیم سره لوبه کوي

د افغانستان د کرکټ ملي لوبډله به نن (شنبه) د اسټرالیا د کرکټ د ټیم په وړاندې لوبه وکړي.

د کرکټ دا مسابقې د یوې ورځنۍ نړېوالو لوبو (One Day International) په نوم ترسره کیږي؛ چې یوازې یوه ورځ دوام کوي.

دا مسابقه به د کابل په وخت د مازدیګر په پینځه نیمې بجې د متحده عربي اماراتو د شارجې په ښار کې پیل شي.

د افغانستان د کرکټ بورډ چارواکو ویلي، چې د افغان ټیم د ښې روزنې لپاره د داسې ډيرو لوبو د ترسره کیدو لپاره اړتیا ده.