راسموسن: په افغانستان کې د طالبانو ۲۲ سلنه حملې کمې شوي دي

د ناټو عمومي منشي وايي، چې په افغانستان کې د طالبانو حملې کمې شوي او د افغان امنیتي ځواکونو وړتیا زیاته شوې ده.

اندریس فوګ راسموسن پرون د ناټو په مرکز بروکسل کې خبریالانو ته وویل، چې په تېرو نهو میاشتو کې د دښمن حملې په سلو کې ۲۲ فیصده کمې شوي دي.

راسموسن زیاته کړه، حاضره دمه د ۴۲ فیصدو متعارفو پوځي عملیاتو او په سلو کې ۲۸ خاصو عملیاتو مشري د افغان ځواکونو په لاس کې ده.