د نړیوالو ځواکونو د تلفاتو شمېر ۲۸۳۹ تنو ته ورسېد

تاند -د ایساف ځواکونو له یوې خبرپاڼې سره سم، چې نن خپره شوې، دا درې پوځیان پرون/سې شنبې/ ووژل شول.

ایساف د معمول په شان نه دي ویلي چې دا درې پوځیان یې دقیقاً د افغانستان په کومه سیمه کې وژل شوي او د هغوی ملیت څه دی.

د افغانستان په ختیځ او جنوب ختیځو ولایتونو کې اکثره بهرني پوځیان امریکايي دي.

د کژولټي ویبپاڼې له مخې، چې په افغانستان او عراق کې د بهرنیو پوځیانو د تلفاتو ارقام خپروي له ۲۰۰۱ څخه تراوسه پوري په افغانستان کې ۲۸۳۹ بهرني پوځیان وژل شوي دي.

د دې ویبپاڼې له راپور سره سم سږکال په افغانستان کې ټولټال ۵۵۸ بهرني پوځیان وژل شوي چې ۴۱۳ یې امریکایان، ۴۵ بریتانویان او ۱۰۰ د نورو هیوادونو اتباع دي.

پروسږ کال(۲۰۱۰) په افغانستان کې ټولټال ۷۱۱ بهرني پوځیان وژل شوي وو. تېر کال ۱۰۳ بریتانوي او ۴۹۹ امریکايي پوځیان وژل شوي وو خو سږکال د دواړو په تېره بیا د بریتانوي پوځیانو تلفات کم شوي دي.

د عراق په جګړه کې د امریکا په مشرۍ د ایتلافي ځواکونو ۴۸۰۲ پوځیان وژل شوي وو.

ناټو په شمال کې د ملېشه ځواک لغوه کول پیل کړل

ایساف وویل چې د هغو امنیتي ملېشو لغوه کول یا د افغان