پوسټ کوډ ۱۶۰۷۸۸
نیټه خپرول: شنبه ۱۰ غبرګولی ۱۳۹۹ ۱۵:۰۸

تیر ۲۴ساعتونه افغانستان کې ۸۶۶ تنه په کرونا ویروس اخته شوي

یاد وزارت نن شنبه مې۳۰(غبرګولې۱۰) ویلي چې په تیرو ۲۳ ساعتونو کې د کرونا ویروس د ۱۴۲۵ مشکوکو سمپلونو معاینات تر سره شوي چې ۸۶۶ یې مثبت ثابت شوي دي.
په دې سره تر دامهاله په افغانستان کې د کرونا مثبتو پېښو شمېر ۱۴۵۲۵ ته ورسېد.
له یادو پېښو څخه ۴۱۱ په کابل،۱۷۷ په هرات، ۳۹ بلخ، ۳۵ننګرهار، ۲۸ پکتیا،۲۶ بادغیس،۱۹ بغلان،۲۹ تخار، ۱۰ غزني، ۱۹ لوګر، ۳ میدان وردګ،۲۷ پروان، ۱۶ کندز، ۶ پنجشیر،۱۵ کاپیسا،۲ فاریاب او ۴ بدخشان کې ثبت شوي دي.
دغه وزارت رسنیو ته په استول شوو معلوماتو کې ویلي چې په تیره یوه شپه او ورځ کې په پکتیا، لوګر او فراه ولایتونو کې د کرونا ویروس له امله درې تنه مړه شوي چې په دې سره د ټولو مړو شوو کسانو شمېر ۲۴۹ تنو ته پورته شوو.
همدارنګه ۴۴ تنه بیرته روغ شوي چې په دې سره د ټولو روغ شوو کسانو شمېر ۱۳۰۳ تنو ته ورسېد.
په افغانستان کې له تیرو لسو ورځو راهیسې په کروناویروس د اخته‌و کسانو شمېر په بې‌ساري ډول مخ په زیاتېدو دی خو د افغانستان د عامې روغتیا وزارت له دغه ویروس سره د مبارزې په برخه کې د طبي تجهیزاتو د کموالي خبرداری ورکړی دی.
د کرونا ویروس په لومړي ځل د ۲۰۱۹ د ډسمبر په میاشت کې د چین د هوبي‌ ایالت د ووهان په ښار کې خپور شو.
په امریکا کې د جانس هاپکینز د پوهنتون د معلوماتو په اساس د کرونا ویروس د شنبې تر سهار مې۳۰ (غبرګولې۱۰) پورې ۳۶۵۰۱۱ کسان مړه کړي او نژدې شپږ میلیون نور پرې اخته شوي دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement