پوسټ کوډ 159198
نیټه خپرول: شنبه 13 غویی 139912:12

بلخ کې له طالبانو سره نښته؛ ۶ افغان سرتېرو ژوند له لاسه ورکړی

د ۲۰۹ شاهین قول اردو ویاند، محمدحنیف رضايي نن (شنبې د غويي په ۱۳مه نېټه) وايي نښته نیمه شپه هغه مهال پیل شوه چې د طالبانو سرې قطعې په زارې ولسوالۍ کې د افغان ځواکونو پر پوستې بریدونه پیل کړل.
ښاغلي رضايي زیاته کړه چې نښتې نېږدې درې ساعته دوام درلود.
 د شاهین قول اردو ویاند څرګندوي چې نښته کې ۱۵ طالب وسله وال هم وژل شوي دي.
د نوموړي په خبره چې له نښتې وروسته طالبان له سیمې تښتېدلي دي او حالت بېرته عادي شوی دی، خو د سیمې خلک اندېښنه لري چې طالبان به بیا راوګرځي.
طالبانو تر اوسه په دې اړه څه نه دي ویلي.
په همدې حال کې د زارې ولسوال، سیف الرحمن رحماني بیا وايي چې نښته کې ۱۴ افغان سرتېرو ژوند له لاسه ورکړی او ۲۰ تنه نور ټپیان دي.
د نوموړي په خبره چې طالبانو له څلورو خواوو پر زارې ولسوالۍ بریدونه وکړل او د افغان ځواکونو له سخت مقاومت سره مخامخ شول.
د زارې ولسوالۍ اندېښنه څرګندوي چې که یادې ولسوالۍ ته مرستندویه ځواک ونه رسیږي، نو طالبان به بیا پرې برید وکړي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement