پوسټ کوډ 150827
نیټه خپرول: يکشنبه 3 لیندۍ 139812:12

په اوبو او انرژي وزارت کې د ۹ پروژو قراردادونه لاسلیک شول

په دې قراردادونو کې د سواحلو تحکیم ۵ پروژې، په هلمند، کاپیسا، بلخ او فراه ولایتونو کې د کانالونو جوړول او بیارغونه، په نیمروز ولایت کې د ۱۶ څیړنیزو څاګانو کیندل، د سټیشن د نصبولو یوه پروژه او په بادغیس او هرات ولایتونو کې د محافظینو لپاره خونې جوړول شامل دی چی د ۲۴۹ میلیونو او ۴۴۵ زرو او ۲۰۰ افغانیو په ارزښت د نړیوال بانک او د هند حکومت لخوا تمویل کیږی.
همدارنګه د کندز ولایت پنځمې کڅوړی د ارچی کهنه کانال پروژه قرارداد د ۳ میلیونو او ۹۹۳ زرو او ۸۴۶ امریکایی ډالرو په ارزښت او د اوبو او انرژي وزارت ۶۰ کارمندانو ته د ماسټرۍ بورسیه پروګرام قرارداد د ۲ میلیونو او ۶۰۰ زرو ډالرو په ارزښت د آسیا پراختیایي بانک له بلاعوضو مرستو سره هغه قراردادونو څخه دی چې پدې برنامه کې لاسلیک شول.
د اوبو او انرژي وزارت د اوبو مرستیال ښاغلی انجنیر خان ‌محمد تکل د اقلیم بدلون، د نفوسو زیاتوالی او د اوبو کمیدل، د اوبو سم مدیریت کول اړین وباله او وویل: " د دی پروژو د پلی کیدو سره د زرهاو هکتارو زیاتو کرنیزو ځمکو د سیلابونو له خطر څخه خوندي کوی او شاوخوا ۴۰۰۰ هکتاره نوې کرنیزه ځمکه خړوبه کیږی چی ۲۹۰۰۰ کورنۍ د یادو پروژو څخه ګټه پورته کوی.
همدارنګه ښاغلی تکل د اوبو کچې معلومولو لپاره هایدرولوجی سټیشنونو نصبولو او د څیړنیزو څاګانو کیندلو د اوبو کچې معلومولو لپاره د نوي ارقامو په راټولولو او تحلیلول، د پوتنشیل تثبیت او د سطحې او تړ ځمکې لاندې د اوبو حالت ارزونه لپاره اغیزمن وباله.
په ورته وخت کې په پارلمان کې د خلکو استازو د اوبو او انرژۍ وزارت سرپرست څخه قدردانی وکړه او د دې پروژو قراردادونه لاسلیکول د هیواد د خلکو د اقتصادی او کرنې د ودې لپاره یو اغیزمن ګام وباله.
د یادونې وړ ده چې د دې شرکتونو استازو هم ژمنه وکړه چی د دی پروژو د لوړ کیفیت او په ټاکلی وخت کې د پروژو تطبیق او ګته اخیستنی لپاره به وسپاری
 

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement