پوسټ کوډ ۱۳۷۹۸۷
نیټه خپرول: شنبه ۱۷ وری ۱۳۹۸ ۱۰:۵۶

خلیلزاد له پاکستاني چارواکو سره پر افغان سوله غږېدلی


د پاکستان د بهرنیو چارو وزارت د جمعې په ورځ د «وري میاشتې پر ۱۶مه» په یوه اعلامیه کې ویلي، چې ښاغلي خلیلزاد د دغه هېواد د بهرنیو چارو له وزیر شاه محمود قریشي او نورو چارواکو سره لیدلي دي.
بیان وايي، چې خلیلزاد په دغه کتنه کې د قطر خبرو او په افغانستان کې د خپلو غونډو او لیدو کاتو او د بین الافغاني خبرو په برخه کې د هلو ځلو په اړه پاکستانیو چارواکو ته معلومات ورکړل.
په دغه اعلامیه کې ویل شوي:"د بهرنیو چارو ویزر د هغه «خلیلزاد»هڅې وستایلې د سولې د بهیر په برخه کې د پاکستان ژمنې بیا تکرار کړې، هغه وویل، چې بین الافغاني مذاکرات د پخلاینې د بهیر یو اساسي برخه ده"
د دغه اعلامیې له‌مخې، د پاکستان د بهرنیو چارو وزیر په افغانستان کې د سولې او ثبات ټینګېدو په اړه هیله څرګنده کړې او ویلي دي چې په افغانستان کې سوله د پاکستان د اقتصادي‌ او بشري پراختیا په ګټه هم ده.
زلمی خلیلزاد د روانې حمل میاشتې پر ۱۱ کابل ته راغلی و او د پنځو ورځو په اوږدو کې له افغان ولسمشر محمد اشرف غني او نورو چارواکو ترڅنګ د سیاسي او جهادي ډلو له مشرانو سره یې د سولې په اړه د وروستیو پرمختګونو او راتلونکو اقداماتو په اړه پرله پسې ناستې وکړې.
ټاکل شوې نوموړی د افغان سولې په اړه د خپل شپږم سفر په دوام قطر، ازبکستان او اردون ته هم سفر وکړي.
 

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement