پوسټ کوډ 127515
نیټه خپرول: سه شنبه 6 وږی 139717:05

امرالله صالح: د ښاغلی اتمر استعفا د ملی یووالی حکومت لپاره یو لویه ضایع ده


نوموړی په یوه بیان کې ویلي، چې ښاغلي اتمر یو تکړه او متوازن ستراتیژیست او متفکر وباله او زیاته یې کړه چې د ښاغلي اتمر استعفا د ملي یووالي حکومت لپاره یوه لویه ضایع ده.
د ښاغلي صالح په وینا، د محمد حنیف اتمر استعفا د حکومت په مشرتابه کې یې د جدي اختلافاتو او شخړو ښکارندوي کوي او داسې ښکاري چې ولسمشر غني پر خپل ټیم هم باور نه لري.
د یادونې وړ ده چې ښاغلي اتمرد شنبې په ماښام نا وخته له خپلې دندې استعفا وکړه او د خپلې استعفا لامل یې د حکومت له مشرتابې سره په سیاسي چارو کې د جدي اختلافاتو موجودیت بللې دي.
بلخوا ولسمشر محمد اشرف غني وایي د افغانستان د ملي امنیت شورا د پخواني سلاکار د محمد حنیف اتمر استعفا د هېواد لوړو ګټو ته په کتو منلې ده.
نوموړی دغه څرګندونې د ملي امنیت شورا لپاره د نوي سلاکار حمد الله محب د پیژندلو په مراسمو کې وکړې.
ولسمشر غني وویل ”د خپل دوست او دوامداره همکار د استعفا منل راته ستونزمن تصمیم و، خو د هېواد د ملي ګټو په خاطر مې باید دغه تصمیم نیولی وای. “
هغه د هېواد د ملي امنیت د مخکېني سلاکار محمد حنیف اتمر د خدمتونو او هڅو قدرداني وکړه وې ویل ”ښاغلي اتمر په بېلابېلو برخو کې ډېر زحمتونه ګاللي، هېواد هغه ته اړتیا لري او په نورو برخو کې به د هغه له تجربو استفاده وشي. “
 

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement