پوسټ کوډ ۱۰۷۰۸۰
نیټه خپرول: چهارشنبه ۱۰ غبرګولی ۱۳۹۶ ۱۶:۴۵

ننګرهار ولایت کي ۵۷ تنو وسله والو وژل شوی دی

د افغان غږ(آوا) آژانس د خبر له مخې، په ختیځ کې د ۲۰۱ سېلاب قول اردو له مطبوعاتي دفتره خپره شوې خبرپاڼه ویلی، د یاد هوايي بریدونو په تېرو ۲۴ ساعتونو کې د دی ولایت په کوټ، خوږیاڼو، هسکه مېنه او نازیانو ولسوالیو کې تر سره شوي دي.
خبرپاڼه زیاتیوی، لومړی د کوټ ولسوالۍ په مربوطاتو کې د افغان کمانډو ځواکونو په هوایي او ځمکنیو بریدونو کې ۲۷ داعشیان وژل شوي دي.
په ورته وخت کې د ننګرهار د امنیه قوماندانۍ ویاند حضرت حسین مشرقیوال ویلی، پرون د بهرنیو ځواکونو بې پیلوټه الوتکې د خوږیاڼو ولسوالۍ په پیره خېلو سیمه کې د برید پر مهال ۲۴ وسله وال طالبان وژلي او ۴ نور یې ټپیان کړي دي.
هغوی ویلی، چې په وژل شویو کسانو کې یو هم د ننګرهار د چپرهار ولسوالۍ له پاره د طالبانو ولسوال او دغه راز ۳ قوماندانان شامل دي.
سرچنیوی وایی، د هسکې مېنې ولسوالۍ په اوغز او د نازیانو ولسوالۍ په پینې ژۍ سیمو کې هم بهرنیو ځواکونو پر وسله والو هوايي بریدونه کړي.
دهغه په وینا، چې په دی عملیاتو کې د ۳ بهرنیانو په ګډون ۶ داعش وسله وال وژل شوي او د وسله والو مخالفینو یوه اندازه وسلې او مهامت هم له منځه وړل شوی دي.
خو تر اوسه وسله والو په دی اړه څه نه دی ویلی.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement