پوسټ کوډ ۱۰۱۰۶۵
نیټه خپرول: شنبه ۲۵ مرغومی ۱۳۹۵ ۰۶:۳۹

په ننګرهار کې د سرتېرو وارثینو ته وېشل شوي نمرې غصب شوي

د آوا آژانس د خبر له مخی : ولسمشر د دغو سرتېرو بچو ته د سرپنا لپاره د نمرو د ورکړې امرکړی؛ ښاروالۍ وېشلي، خو زورواکو غصب کړې دي

د ننګرهار ښاروال حمیدالله افغان وايي، حکومت د سرخ دیوال په سیمه کې چرخي کورنۍ ته د نورې ځمکې په بدل کې د ۱۲۵۰جریبه ځمکې قباله ورکړې؛ خو یو شمېر کسانو په همدې بهانه پېنځه زره جریبه ځمکه نیولې، چې د سرتېرو نمرې هم په کې دي.

د جلال آباد ښاروالۍ د وژل شویو سرتېرو وارثینو ته د پیسو په بدل کې د نمرو اویزونه ورکړي؛ خو ځمکې او نمرې یې نورو کسانو غصب کړي او دوی نه پریږدي، چې کورونه په کې جوړ کړي.

د وژل شویو سرتېرو د کورنۍ غړي هم وايي، اوېزونه په لاس لري، ښاروالۍ ته یې پیسې تحویل کړي؛ خو ځمکه یې زورواکو غصب کړې ده.

د ننګرهار والي ویاند عطاالله خوږیاڼی د دې ستونزې پخلی کوي؛ خو وايي، چې د حل لپاره یې پر یو لړ اقداماتو لاس پورې کړی دی.

د پخوانی والي سلیم خان کندوزي په وخت کې د غصب په سیمو کې حکومت تر یوه حده د رغونې چارې بندې کړې وې؛ خو د نوي والي په راتلو د غصب لړۍ یو ځل بیا چټکه شوې او په غصب شویو سیمو کې هم د رغونې چارې پیل شوې دي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement