شماری از مقام‌های کشورهای خارجی با ارسال پیام‌های جداگانه درگذشت مارشال محمد قسیم فهیم را تسلیت گفتند.
به گزارش خبرگزاری صدای افغان(آوا)، معاون رئیس جمهور چین با ارسال پیامی درگذشت مارشال محمد قسیم فهیم را تسلیت گفته است.
نماینده خاص اتحادیه اروپا برای افغانستان، هیئت ویژه جمهوری لیتوانیا برای افغانستان، سفیر کشور شاهی ناروی در کابل و سفارت چین در کابل نیز وفات مارشال را تسلیت عرض کرده‌اند.
پیکر مارشال محمد قسیم فهیم پس از ادای نماز جنازه در ارگ ریاست جمهوری، در تپه ده کیپک بادام باغ کابل به خاک سپرده شد.
در این مراسم شماری زیادی از شهروندان کشور، عالمان دینی، مقامات دولتی، اعضای شورای ملی و نیروهای امنیتی حضور داشتند.
مارشال محمد قسیم فهیم، معاون اول ریاست جمهوری روز یک شنبه در سن ۵۶ سالگی در اثر سکته قلبی درگذشت.