عبدالله عبدالله، رهبر ائتلاف ملی افغانستان، کرزی را به ا ایجاد هرج و مرج برای طولانی کردن دوران قدرتش در افغانستان، متهم کرد.
عبدالله عبدالله، وزیر خارجه پیشین افغانستان که اینک به یکی از رهبران اپوزیسیون دولت تبدیل شده است، حامد کرزی را متهم کرده که می‌خواهد افغانستان را به هرج و مرج بکشاند.
به گزارش خبرگزاری فرانسه،ذعبدالله عبدالله در گفت‌وگو با آسوشیتدپرس گفت، رئیس جمهور کرزی در تلاش است کشور را به هرج و مرج بکشاند تا هر چه بیشتر بر سر قدرت باقی بماند.
به گفته عبدالله، کرزی با جلوگیری از برپایی انتخابات ریاست جمهوری سال ۲۰۱۴ قصد دارد، دوره ریاست جمهوری خود را طولانی کند.
عبدالله عبدالله، رئيس ائتلاف ملی افغانستان در سال ۲۰۰۹ میلادی نامزد انتخابات ریاست جمهوری شد، ولی حامد کرزی بر او پیشی گرفت و عبدالله دوم شد.
وی، کرزی را به تقلب‌های انتخاباتی متهم کرد، اما سرانجام از شرکت در دور دوم انتخابات خودداری ورزید.
عبدالله عبدالله، سیاست‌مدار ۵۵ ساله افغانستان در گفت‌وگو با آسوشیتدپرس گفت: "کرزی سعی دارد، دوران خود را طولانی کند." 
به گزارش خبرگزاری آوا، داکتر عبدالله در حالی حامد کرزی را متهم می کند بر اساس قانون اساسی افغانستان  حامد کرزی نمی‌تواند بعد از دو دوره ریاست جمهوری کاندیدای دور سوم شود.
 وی بارها اعلام کرده که می‌خواهد، دوران ریاست جمهوری خود را در سال ۲۰۱۴ به پایان برساند.