1063 تن از شاگردان اناث و ذکور مکاتب مرکز و ولسوالی های ولایت هلمند، جهت شمولیت در موسسات تحصیلات عالی، امروز در امتحان کانکور شرکت کردند.

بر اساس اطلاعیه وزارت معارف کشور، در مراسم اخذ امتحان کانکور، مسئولین مقام ولایت، هیات اعزامی وزارت تحصیلات عالی، تعدادی از اعضای شورای ولایتی ومسئولین ادارات دولتی حضور داشتند.

امتحان کانکور همانند سالهای پیش از طرف هیات اعزامی وزارت تحصیلات عالی از کسانی گرفته می‌شود که شامل صنف 12 بوده و یا سند صنف دوازدهم را باخود داشته باشند.

قابل یاد آوری که از جمله مشمولین امتحان کانکور، 91 تن از آنها را طبقه اناث تشکیل می‌دهند.