رئیس جمهور کرزی، حمله تروریستی را که در اثر آن انورالحق "صاحب زاده" مدیر لیسه نوگر خیل ولایت ننگرهار کشته شد، به شدید ترین الفاظ محکوم کرد.

به اساس معلومات وزارت معارف، روز سه شنبه انورالحق "صاحب زاده" مدیر لیسه نوگر خیل ولایت ننگرهار بر اثر یک حمله تروریستی، در منطقه خواران ولسوالی خوگیانی این ولایت، کشته شد.

بر اساس اطلاعیه دفتر مطبوعاتی ریاست جمهوری، حامد کرزی ضمن محکوم کردن این حمله تروریستی، گفت: حمله به معلمان، شاگردان و خدمتگاران معارف، کار آنانی است که می خواهند افغانها در تاریکی باقی بمانند و احتیاج به دیگران باشند.

رئیس جمهور گفت: دشمنان معارف افغانستان باید بدانند که با چنین حملات تروریستی نمی توانند از عزم قوی مردم ما در راستای تعلیم و تعلم فرزندان شان، جلوگیری کنند.