رئیس عمومی کمیته ناروی در افغانستان در دیدار با معاون والی دایکندی گفته است که این کشور ضمن ارائه کمک‌های بشردوستانه در زمينه جلب توجه کشورهای مختلف به افعانستان کار می‌کند‌.

خبرگزاری صدای افغان(آوا) بامیان: تاریا مگنتون واتردال، رئیس عمومی کمیته ناروی در افغانستان در دیدار با معاون والی دایکندی گفته است که، ناروی ضمن ارائه کمک‌های بشردوستانه در زمينه جلب توجه کشورهای مختلف به افعانستان کار می‌کند‌.
گفته شده که وی از همکاری همه‌جانبه اداره محلی این ولایت با این مؤسسه ابراز رضایت کرده است.
رحمت‌یار معاون ولايت دایکندی هم از کمک‌های کمیته ناروی در این ولایت قدردانی کرده و گفته است که، دایکندی یک ولایت محروم و کوهستانی بوده و نیازمند کمک‌های اساسی می باشد.
وی ضمن اعلام همکاری همه جانبه با مؤسسات کمک رسان، یادآوری کرده که مؤسسات در کارهای‌شان شفافیت و عدالت را رعایت کنند.