کنسولگری افغانستان در کراچی از آزادی ۴۴ شهروند کشور از زندان‌های ایالت سند پاکستان خبر داده است.

خبرگزاری صدای افغان(آوا)- کابل: به‌گفته‌ی این کنسولگری، در جمع این افراد ۲۱ شاگرد مدرسه‌ی دینی نیز شامل هستند.

کنسولگری افغانستان در کراچی گفته است که این شهروندان کشور به‌دلیل نداشتن اسناد قانونی سفر، با وجود تکمیل میعاد حبس شان، در زندان‌های سند به‌سر می‌بردند.

عبدالجبار تخاری، سرکنسول کشور در کراچی می‌گوید که ۱۵ تا ۲۰ نفر دیگر نیز در زندان‌های سند به‌سر می‌برند.