وزارت صحت عامه امارت اسلامی اعلام کرده که روند جذب فارغان دختر صنوف دوازدهم به انستیتوت‌های های طبی دولتی در شماری از ولایات کشور آغاز شده است.

خبرگزاری صدای افغان (آوا) - کابل: به گفته وزارت صحت عامه روند جذب فارغین دختران صنوف دوازده به انستیتوت‌های طبی دولتی ولایات کاپیسا، پروان، پنجشیر، میدان وردک، غزنی، پکتیکا، لوگر، خوست، بدخشان، بامیان و پکتیا آغاز شد.

به نقل از خبرگزاری دولتی باختر، وزارت صحت عامه با ارسال مکتوبی به ریاست‌های صحت عامه ولایات ذکر شده، هدایت داده است که روند جذب فارغین دختران صنوف دوازده به انستیتوت‌های صحی را آغاز کند.

این در حالی است که روند جذب فارغان دختر صنوف دوازده به انستیتوت‌های طبی خصوصی تا هنوز اعلام نشده است.