عبدالجبار تخاری، کنسول افغانستان در شهر کراچی پاکستان گفته است که‌ ‏بیش از 50شهروند افغانستان از چندین زندان در ایالت سند پاکستان آزاد شد‌ه‌اند.

خبرگزاری صدای افغان(آوا)- مانیتورینگ: آقای تخاری گفته است که افراد تازه آزاد شده‌ از راه چمن به افغانستان انتقال داده شده‌اند.

به گفته‌ی کنسول افغانستان در کراچی ، هنوز هم ۲۲۱ مهاجر افغانستان در زندان‌های ایالت سند پاکستان به‌سر می‌برند.

این در حالی‌ست که حکومت پاکستان در ماه های اخیر سال میلادی بازداشت و اخراج مهاجران افغانستان را به دلایل مختلف آغاز کرده و تاکنون جریان دارد.