خبرگزرای صدای افغان (آوا) – کابل: حفیظ ضیاء الله هاشمی، سخن‌گوی وزارت تحصیلات عالی می‌گوید سرپرست این وزارت طی یک سفر کاری عازم ولایت پکتیا شده است.
 
هاشمی افزوده است که سرپرست وزارت تحصیلات عالی با رئیس دانشگاه پکتیا دیدار کرده و روی مکان مناسب تدریسی برای جامعات و تخصصات دینی گفت‌وگو کرده اند.
 
هاشمی گفت: «سرپرست وزیر تحصیلات عالی وهیئت همراه شان در این سفر با رهبری پوهنتون پکتیا درمورد چگونگی انتخاب یک مکان مناسب تدریسی دینی در آن ولایت روی موضوعات مختلف در پوهنتون یاد شده بحث نمودند».
 
این در حالی است که پیشتر سرپرست وزارت تحصیلات عالی به ولایت ننگرهار سفر کرده و با مسوولین دانشگاه این ولایت نیز دیدار و گفت و گو داشته است.