تیم ملی فوتبال زیر بیست سال افغانستان، برای اشتراک در رقابت‌های آسیای مرکزی «کافا» که میان ۶ کشور برگزار می‌شود، روانه تاجیکستان شدند.

خبرگزاری صدای افغان (آوا)-کابل: تیم ملی فوتبال زیر بیست سال افغانستان، برای اشتراک در رقابت‌های آسیای مرکزی «کافا» که میان ۶ کشور برگزار می‌شود، روانه تاجیکستان شدند.

دفتر مطبوعاتی ریاست عمومی تربیت بدنی و ورزش در خبرنامه‌ای نوشته است: این رقابت‌ها میان کشورهای تاجیکستان، ایران، ازبکستان، ترکمنستان، قرغزستان و افغانستان به تاریخ ۲۹ ثور برگزار می‌شود.

طول دوره‌ی مسابقات رقابت‌های فوتبال زیر بیست سال آسیای مرکزی ده روز خواهد بود.

از افغانستان ۲۹ تن شامل ۲۳ ورزشکار و شش مربی در این رقابت‌ها اشتراک دارند.