کمیساریای عالی سازمان ملل در امور پناهندگان گفته که در یک سال گذشته برای بیش 220 هزار تن از مهاجرین که به کشور بازگشته‌اند، کمک کرده است.

خبرگزاری صدای افغان (آوا) ـ سرویس بین‌الملل: کمیساریای عالی پناهندگان سازمان ملل امروز یک‌شنبه (6 قوس) در صفحه تویترش نوشته که از جنوری سال 2022 تاکنون برای 220 هزار تن از مهاجران برگشته به افغانستان، کمک کرده است.

این نهاد بین‌المللی، عکس‌هایی را منتشر کرده است که نشان می‌دهد شماری از مهاجران افغان در مرز با پاکستان در حال دریافت کمک هستند.
 
کمیساریای عالی پناهندگان سازمان ملل که یکی از نهاد‌های مهم کمک‌رسان بین‌المللی می‌باشد، قبل از این بارها از اوضاع نابسامان بشری در کشور ابراز نگرانی کرده بود.