با اعلام سفارت افغانستان در پاکستان، 30 شهروند کشور که در زندان‌های کراچی بازداشت بودند، با تلاش‌های این نهاد از بند رها شده‌اند.

خبرگزاری صدای افغان (آوا): این شهروندان افغانستانی روز دوشنبه، ۱۶ عقرب، از زندان‌های پاکستان آزاد شده و به افغانستان انتقال یافته‌اند.

این شمار از شهروندان افغانستان به دلیل نداشتن اسناد قانونی اقامت از سوی پولیس پاکستان بازداشت شده بودند.

سفارت افغانستان در پاکستان می‌گوید که این افراد در نتیجه تلاش‌های دیپلماتیک آزاد شده‌اند.

پیشتر گزارش شد که صدها شهروند افغانستان به‌شمول زنان و کودکان به دلیل نداشتن اسناد قانونی اقامت، در زندان‌های پاکستان به‌سر می‌برند.