حنیف اتمر سرپرست وزارت امور خارجه در راس یک هیات بلندپایه دولتی به تاجیکستان رفت. قرار است او در این سفر با مقامات تاجیکستانی از جمله امام علی رحمان رئیس جمهور این کشور دیدار کند.
خبرگزاری صدای افغان(آوا)-کابل: وزارت امور خارجه در خبرنامه ای اعلام کرده است که محمدحنیف اتمر، سرپرست این وزارت امروز (پنج‌شنبه) در راس یک هیات بلندپایه دولتی به تاجیکستان رفت.
طبق اعلام وزارت خارجه، این سفر دو روزه به دعوت رسمی تاجیکستان انجام شده است.
وزارت خارجه گفته است که آقای اتمر در این سفر با امام علی رحمان رییس جمهور، قاهر رسول‌زاده نخست‌وزیر، سراج‌الدین مهرالدین وزیر خارجه و سید مؤمن یتیم‌اوف رییس کمیته‌ی دولتی امنیت ملی تاجکستان دیدار می‌کند.
دریافت صفحه با کد QR