محمد اشرف غنی؛ رئیس جمهور کشورمان که به تاجیکستان رفته است، با امام علی رحمان همتای تاجیک خود دیدار و در مورد مسائل دو جانبه گفتگو کرد.

به گزارش خبرگزاری آوا، رئیس جمهور غنی پیش از دیدار  با امام علی رحمان در میدان هوایی بین المللی شهر دوشنبه، مورد استقبال مقامات تاجیکستانی از جمله نخست وزیر، وزیر امور خارجه، معاون اول شاروالی شهر دوشنبه و سفیر افغانستان مقیم دوشنبه مورد استقبال و مشایعت گرم قرار گرفت.

قرار است رئیس جمهور غنی در نخستین روز سفرش همچنان با صدراعظم و رئیس مجلس نمایندگان تاجیکستان دیدار و در دانشگاه ملی این کشور برای استادان و محصلین سخنرانی کند.

امضای موافقتنامه دو جانبه در حضور داشت روسای جمهور دو کشور از دیگر برنامه های سفر رئیس جمهور غنی به دوشنبه می باشد.
رئیس جمهور غنی صبح امروز در راس یک هیات عالی رتبه عازم دوشنبه پایتخت تاجیکستان شد.