امام علی رحمان، رئیس جمهور تاجیکستان دردیدار با ولادمیر پوتین همتای روسی اش روی سرحدات تاجیکستان با افغانستان صحبت کرده و و نگرانی های کشورش را از گسترش ناامنی ها در سرحداتش با افغانستان اعلام کرد.

به گزارش خبرگزاری آوا، آقای رحمان در این دیدار با ابزار نگرانی از ناامنی در سرحدات افغانستان با کشورش گفته که جنگ در ۶۰ درصد سرحدات افغانستان با تاجیکستان جریان دارد.

رییس جمهور تاجیکستان می‌گوید که در مورد وضعیت سرحدات کشورش با افغانستان نگرانی جدی دارد.
به گفته او، ناامنی در شمال افغانستان روز به روز بیشتر می‌شود.

در همین حال، رییس جمهور روسیه گفته است که دو کشور باید در مورد روابط دوجانبه و وضعیت منطقه بیشتر متمرکز شود.

رییس جمهور تاجیکستان و روسیه دیروز درحالی دیدار کرد که هفته گذشته شهر قندوز به دست طالبان سقوط کرد.
هرچند نیروهای امنیتی این شهر را از طالبان پس گرفتند، اما درگیری بین دو طرف در بخش‌های از شهر قندوز هنوز ادامه دارد.
قندوز در شمال کشور با تاجیکستان مرز مشترک دارد. مقام‌های حکومتی تاجیکستان همواره از افزایش ناامنی در این ولایت ابراز نگرانی کرده‌اند.