سفیر امریکا در تاجیکستان معتقد است که هیچ نگرش منفی علیه این کشور در تاجیکستان وجود ندارد.
به گزارش خبرگزاری صدای افغان ( آوا) و به نقل از AKI Press ، سوزان الیوت سفیر امریکا در تاجیکستان معتقد است که هیچ مشکلی ضد امریکایی در تاجیکستان وجود نداشته ومی گوید من هیچ نگرش منفی در این کشور در برابر امریکا مشاهده نکرده و مردم هم خواهان روابط دوستانه و همکاری متقابل با امریکا هستند.
براساس این گزارش، وی گفت: روابط دوستانه و همکاری های دو جانبه امریکا با تاجیکستان از اوایل دهه ۹۰ شروع شده است.
وی افزود: همکاری امریکا با تاجیکستان با هدف تامین امنیت و ثبات نه تنها در افغانستان بلکه بطور گسترده در منطقه می باشد.
وی تاکید کرد که ماموریت ایالات متحده امریکا در افغانستان تمام نشده و ما با تغییر نقش خود در افغانستان برای برقراری صلح و ثبات و امنیت در این کشور تلاش خواهیم کرد.
دریافت صفحه با کد QR