یک نماینده شورای ولایتی در تیراندازی افراد ناشناس زخمی شد

حوالی ساعت 9:30 صبح امروز دوشنبه محترمه ندا " کیهانی" نماینده مردم ولایت بغلان درشورای ولایتی، هنگامیکه بطرف دفترکارش روان بود در ساحه بند برق مربوط مرکز این ولایت هدف تیر اندازی افراد نا شناس قرار گرفت و زخمی شد که موصوف به کمک پولیس به شفاخانه مرکزی ولایت منتقل گردید .
به گزارش اعلامیه وزارت داخله، پولیس مصروف بررسی چگونگی حادثه در محل می‏باشد که جزئیات بیشتر بعدا نشر می‏گردد .