د اسلامي امارت د ملي دفاع وزارت د دې وزارت د کارکوونکو لخوا د کندهار – هرات په لویه لار کې په سیلابونو کې بند پاتې موټر او مسافر د ژغورنې اعلان کړی دی.

د افغانستان او قزاقستان د سوداګرۍ خونه په هرات ولایت کې د دواړو هېوادونو ترمنځ د سوداګرۍ د اسانتیا او زیاتوالي په موخه پرانیستل شوه.

حکومتي سرچينې او عيني شاهدان وايي، چې په صياد ولسوالۍ کې د غره د ښويېدو او سېلابونو له امله تېره شپه شاوخوا يوولس بجې د مزارشريف او سمنګان ترمنځ لاره تړل شوې ده.

د افغانستان د پخواني حکومت د سولې د عالي شورا مشر د ایران له خوا پر صهیونیسټ رژیم د حملو ملاتړ وکړ او هغه یې یو دفاعي اقدام وباله. له بلې خوا حامد کرزي ویلي، چې پر اسرائیلي رژیم د ایران برید دفاعي حق دی.

د غزې د روغتیا وزارت اعلان وکړ چې د اکتوبر له اوومې راهیسې په غزه کې د شهیدانو شمېر ۳۳ زره او ۷۲۹ تنو ته رسېدلی او د ټپیانو شمېر ۷۶ زره ۳۷۱ تنو ته رسېدلی دی.

پاکستاني رسنیو خبر ورکړی، چې له دغه هېواد څخه د افغان کډوالو د جبري ایستلو دویم پړاو به په راتلونکو دوو ورځو کې به پیل شي.

د برښنا شرکت وايي، په هېواد کې وروستیو اورښتونو د ناګلو، سروبي او ماهیپر بندونو د برېښنا د تولید د زیاتوالي لامل شوی دی.

د هرات ولایت له طبیعي پېښو سره د مبارزې ریاست چارواکي وايي، په دې ولایت کې د وروستیو اورښتونو او سېلابونو له امله د استوګنې ۲۵ کورونه ویجاړ شوي دي.

د افغانستان د اسلامي ګوند مشر ګلبدین حکمتیار په نیواکي سیمو کښې په هدفونو باندې د ایران د اسلامي جمهوریت د فوځي حملې په غبرګون کښې وویل: د ایران په کونسلګرۍ باندې د حملې په اړه د ایران ځواب د دغه هیواد حق دی او د دغه برید مسوولیت د اسرائیلو د ظالمو واکمنانو او د هغوی د ساتونکو په غاړه دی.

د هېواد په لوېديځ کې سيمه ييز چارواکي وايي، چې د سختو بارانونو او سېلابونو له امله په دغو ولايتونو کې يو شمېر کسان مړه شوي او خلکو ته ډېر مالي زيانونه اوښتي دي.

د طبیعي پېښو پر وړاندې د مبارزې وزارت وايي، په تېرو څو ورځو کې په بېلابېلو ولایتونو کې د سختو بارانونو او سېلابونو له امله ۳۳ تنه وژل شوي او ۲۷ نور ټپیان شوي دي.

د افغان سرې میاشتې ټولنې مسوولین وايي، چې د روغتیا په برخه کې د بشري مرستو په دوام یې په یو شمېر روغتونونو کې د څه باندې دوه نیم سوه ماشومانو د زړه د سوریو درملنه کړې ده.

د اقتصاد وزارت چارواکي په افغانستان کې د څه باندې ۶۵۰۰ کورنیو او بهرنیو بنسټونو فعالیت اعلانوي او وايي چې د دغو بنسټونو فعالیتونه د ټولنیزو خدمتونو، روغتیا، پوهنې، کرنې او مالدارۍ په برخو کې دي.

د سوداګرۍ او صنایعو وزارت چارواکي وايي، افغانستان په ۴۵ سکتورونو او د ۱۳۳ توکو د تولید په برخه کې پر ځان بسیا شوی دی.

د اسلامی امارت د بهرنیو چارو وزارت د یوې بیانیې په خپرولو سره په صهیونیسټ رژیم د ایران د اسلامی جمهوریت حملې یو مشروع دفاعی اقدام وباله.

پاکستاني چارواکو د دغه هیواد په دریو ایالتونو کې د سختو بارانونو او د بریښنا له امله د لږ تر لږه ۲۴ تنو د وژل کیدو خبر ورکړی دی.

د بدخشان ولايت د اطلاعاتو او کلتور رييس وايي چې د سروېګانو له مخې د بدخشان ولايت د سيمه ييزو موزيمونو د ليدونکو په شمېر کې پنځوس سلنه زياتوالى راغلى.

د روسیې د بهرنیو چارو وزارت اعلان وکړ چې د فلسطین په اشغال شوې خاوره کې پر هدفونو د ایران برید د ځان د دفاع او د ملګرو ملتونو د منشور د ۵۱ مادې پر بنسټ په سیمه کې پر ایراني اهدافو د بریدونو په غبرګون او په دمشق کې د ایران پر کونسلګرۍ باندي د برید په غبرګون کې شوي دي. د روسیی د بهرنیو چارو وزارت همداراز زیاته کړي چې په سیمه کې د خطر د زیاتیدو په اړه ...

په بغلان او بدخشان ولایتونوکې د اسلامی امارت سیمه ایز چارواکی وایی چې په دغو ولایتونو کې د ترافیکی پیښو په پایله کې اته تنه مړه او اته تنه نور ټپیان شوی دی.

د اسلامي امارت د ملي دفاع وزارت اعلان کړی چې د کندهار د هوايي ځواک لوا په سېلاب کې ایسار دوه تنه ژغورلي دي. له بلې خوا په بادغیس کې چارواکي خبر ورکوي چې د یوې کورنۍ غړي یې له سیلاب څخه ژغورلي دي.