د افغانستان د مرکزي بانک رييس په کابل کې د ايران د اسلامي جمهوريت له ځانګړي استازي او سفير سره په کتنه کې وويل چې د دواړو هېوادونو ترمنځ مناسبه بانکي همکاري د سوداګرو لپاره اسانتياوې برابروي، ځکه چې د افغانستان مرکزي بانک ژمن دى په هیواد کې د نړۍ د اسانتیا لپاره د معیارونو سره برابر بانکي خدمتونه چمتو کړي.

د اسلامي امارت د کانونو او پټرولیم وزارت د دوه اړخیزو اړیکو د پراختیا په اړه د دغه هیواد د لومړي وزیر د استازي په مشرۍ د مالیزیا له پلاوي سره د دغه وزارت د رئیس د کتنې او بحث خبر ورکړی دی.

د ترانسپورت او هوايي چلند وزارت وايي چې د قزاقستان پلاوي سره په کتنه ک د ترانسپورتي همکاريو د پراختيا او د افغانستان له لارې د جنوبي او منځنۍ اسيا د نښلولو په اړه خبرې کړې دي.

د کانونو او پټرولیم وزارت چارواکو د دغه وزارت له سرپرست سره د جنوبي افریقا د یو شمېر پوهانو او سوداګرو د ناستې په اړه معلومات ورکړل او ویې ویل چې په افغانستان کې د پانګونې لپاره شرایط او فرصتونه ډېر مناسب دي.

د سوداګرۍ او صنایعو وزارت وايي، د قزاقستان د دولتي او خصوصي سکټور یو لوړ پوړی پلاوی د دغه هېواد د لومړي وزیر مرستیال سیریک جمنګارین په مشرۍ د دوه اړخیزو اړیکو د لا پراختیا او د افغانستان-قزاقستان د نندارتون د پرانستلو په موخه کابل ته راغلی دی.

د هرات ولایت چارواکي وايي، د هرات ولایت په زنده جان ولسوالۍ کې د ۷۳ زلزله ځپلو کورنیو لپاره د یوې خیریه موسسې له خوا معیاري کورونه جوړ شوي او دغه کورونه د یو لړ مراسمو په ترڅ کې چې د سیمه ییزو چارواکو په ګډون جوړ شوي وو، ګټې اخیستنې ته وسپارل شول.

د خواف - هرات د اوسپنې پټلۍ د څلورمې برخې د دویمې برخې د جوړولو د پروژې قراردادي چارواکي وايي چې د دغې پروژې د تطبیق چارې به ډېر ژر پیل شي.

د ترانسپورت او هوايي چلند وزارت د شپږو هېوادونو ترمنځ د ټرانسپورټ د پراختیا په اړه په غونډه کې چې په ازبکستان کې جوړېږي، د دغه وزارت د سرپرست سفر اعلان کړی دی.

د صنعت او سوداګرۍ وزارت سرپرست د مالیزیا د لومړي وزیر له استازي سره په کتنه کې د مالیزیا له پانګوالو وغوښتل چې په افغانستان کې پانګونه وکړي.

د اورګاډي ملي ادارې په روانه اونۍ کې د هرات – خواف، تورغونډۍ، اقينې او حيرتان د اورګاډي له لارې د څه باندې ۷۴ زره ټنه توکې د لیږدولو اعلان کړ.

د کانونو او پټرولیم وزارت وايي، د عینک د مسو کان د پروژې د قراردادي شرکت مسوولینو د دغې پروژې لپاره د اړتیا وړ ۴۰۰ میګاواټه برېښنا د برابرولو په اړه د دغه وزارت له سرپرست سره خبرې کړې دي.

د کانونو او پټرولیم وزارت وايي چې په اروپا کې مېشتو یو شمېر افغان علمي او فرهنګي شخصیتونو د دغه وزارت له سرپرست سره په کتنه کې ویلي چې ډېری افغان علمي او فرهنګي شخصیتونه او په بهر کې مېشت پانګوال افغانستان ته د راستنېدو لېواله دي. په هیواد کې پانګه اچونه.

په چین کې د اسلامي امارت سفیر د رئیس الوزرا سیاسي مرستیال سره په کتنه کې وویل چې په افغانستان کې امنیت او ثبات د دغه هېواد د کانونو او سوداګرۍ په برخو کې د چینایي پانګوالو لېوالتیا زیاته کړې ده.

د فارياب ولايت د مرکز ميمنې ښاروالۍ مسوولين وايي، چې دې رياست تېر کال څه باندې ١٠٤ ميليونه افغانۍ عوايد راټول کړي دي.

د افغانستان د کانونو او پټرولیم وزارت اعلان کړی چې د کابل ولایت د قره باغ ولسوالۍ د نفرایت کان د استخراج لپاره یوه خصوصي شرکت د ۲۱۸ میلیونو افغانیو په ارزښت داوطلبۍ ګټلې دي.

د لاهور د سوداګرۍ او صنایعو خونې مشر د افغانستان د سوداګرۍ او صنایعو خونې له پلاوي سره په خبرو کې د کابل او اسلام آباد ترمنځ د سوداګرۍ په حجم کې د پام وړ کموالی اعلان کړ.

يو شمېر چينايي سوداګرو د پنجشېر له والي حافظ محمد اغا حکيم سره په کتنه کې په دغه ولايت کې د پانګونې لپاره لېوالتيا څرګنده کړه.

د رئیس الوزرا اداري مرستیال د فاریاب او جوزجان ولایتونو له علماوو سره په کتنه کې وویل، اسلامي امارت د هېواد په بېلابېلو سیمو کې د انکشافي پروژو د پلي کولو او د هېوادوالو د نورو ستونزو د هواري په برخه کې هر ډول هڅې کوي.

د افغانستان د کانونو او پټرولیم وزارت وايي، له چین څخه یې له ملي پانګوالو او د هغوی د سوداګریزو شریکانو غوښتنه کړې چې د هېواد په کانونو په تېره بیا د سرو زرو د استخراج په برخه کې پانګونه وکړي.

د افغانستان مرکزي بانک اعلان وکړ چې د شنبې په ورځ (د ثور ۱) به ۱۶ میلیونه ډالره د لیلام له لارې وپلوري.