دخپریدو نیټه :شنبه ۱۰ سرطان ۱۳۹۶ ساعت ۱۴:۰۰
د مطلب کود : 145608
ننګرهار کې د ملکي وګړو پر موټر خونړی چاودنه

په ختیځ ننګرهار ولایت کې د سړک غاړې ماین چاودنې په ترڅ کې لږ تر لږه ۷ تنه ملکي وګړي وژل شوي او پنځه نور ټپیان دي.

پیښه تیره ورځ ناخته د اچین ولسوالی په اړوند سیمه کې رامنځته شوه.

د صدای افغان خبری آژانس(افغان غږ خبری آژانس)، د ننګرهار لایت مقام په یوه بیان کې لیکلي، چې ننګرهار ولايت د اچين ولسوالۍ باندړ درې سيمه کې نن غرمه دولس په يو ډاډسن ډوله موټر د سړک غاړې ماين چاودنه شوې،چې امله يې اووه تنه وژل شوي او پنځه نور ټپيان شوي دي.

خبرپاڼه زیاتوي، چې د لومونيو معلوماتو له مخې دپېښې ټول کسان ملکي وګړي وو،چې ټپيان يې د غني خيلو روغتون ته ليږل شوي او وضعيت يې د ډاډ وړ دى .

د سیمه ییز چارواکو په وینا، د سړک غاړې ماين د داعش وسله والو له لورې ځاى پر ځاى شوى وو.

د دولت ضد وسله والې ډلې تر اوسه په دې اړه څه نه دي ویلي.

ننګرهار د افغانستان په ختیځ کې له پاکستان سره ګډه پوله لري چې د هېواد له ناامنه او د طالبانو او داعش د جنګیالیو د فعالیت سیمه ګڼل کېږي.

سرچينه : د صدای افغان خبری آژانس(آوا)
https://avapress.com/vdcjyievouqexmz.b,fu.html
تبصره پوسټ کړئ
ستاسو نوم
ستاسو دبرېښنا ليک پته