توصيه مطلب
۰
 
د ايران پخوانی ولسمشر هاشمي رفسنجاني د ۸۲ کلونو په عمر ومړ
تاریخ انتشار : سه شنبه ۲۱ جدی ۱۳۹۵ ساعت ۰۶:۳۷
د ایران رسمي خبري آژانس د یکشنبې پر ماښام اعلان وکړ، چې د دغه هېواد پخوانی ولسمشر علي اکبر هاشمي رفسنجاني، چې د اسلامي او انقلابي اهدافو لپاره یې خپل ژوند وقف کړی و د زړه د ناروغۍ پر لامل د ۸۲ کلونو په عمر په حق رسیدلی دی.
د آوا آژانس د خبر له مخی :

ایراني رسنیو په ډاګه کړې؛ په یوه ځایي روغتون کې داکترانو ډېره هڅه وکړه، چې د هغه ژوند وژغوري ، خو و نه شو.



رفسنجاني په کال ۱۹۳۴ د اګست په میاشت کې زېږدلی و، د ۱۹۸۰ او ۱۹۸۹ تر منځ د ایران د پارلمان رییس پاته شوی و.



نوموړی ۱۹۸۹ کې ولسمشرۍ ته ورسید، د ولسمشرۍ ترڅنگ د ايران د روحاني مشر اية الله علي خامنايي له خوا د ايران د ملي گټو د تشخيص کمیتې مشر هم شو او د مرگ تر وخته یې دغه دنده ترسره کړې ده.



د ملي گټو د تشخيص کمیتې دنده د پارلمان او څارونکې شورا ترمنځ د شخړو او اختلافاتو له منځه وړل دي.



د خپلې واکمنۍ پر مهال يې د ايران-عراق له جگړې وروسته د هېواد اقتصادي پياوړتيا او بيا رغونه خپل لومړیتوب وګاڼه.



د رفسنجاني په اړه ویل کیږي، چې هغه د ایران په نظام کې د هغو معتدلو شخصتیونو څخه و، چې له غرب او امریکا سره یې د ښو اړیکو جوړولو غوښتنه کوله.



نوموړی له ۱۹۸۹تر ۱۹۹۷ د ايران ولسمشر و.



په ۲۰۰۵ کې يو ځل د ولسمشرۍ ټاکنو ته ودرېد، خو احمدي نژاد ترې ټاکنې وګټلې.



د ايران د اسلامي شورا لومړنی رييس او د ايران څلورم ولسمشرعلی اکبر هاشمي رفسنجان د یکشنبې په ورڅ د ماښاه په ۱۸:۲۰ د د جدی په ۱۹ د زړه د دریدو پر لامل په داسې حال کې روغتون ته رسول شوی، چې له خبرو غورزیدلی و؛ خو په روغتون کې له یوه ساعت هڅو د داکترانو هڅې ناکامې شوې او هغه یې ونه شو ژغورلی.



د افغانستان د ملي وحدت حکومت رهبرانو، د پارلمان، قضا او مطبوعاتو مشرانو او د کابینې غړيو د دغه هېواد مشرتابه او خلکو ته د خپلې خواخوږۍ څرګندونې کړي او نوموړي ته یې د الله پاک له درباره د بښنې او خلکو ته د دغه غم د زغم غوښتنه کوي.
Share/Save/Bookmark
د مطلب کود: 136381