دخپریدو نیټه :شنبه ۲۷ عقرب ۱۳۹۶ ساعت ۱۱:۴۶
د مطلب کود : 153228
پنټاګان د افغان پوځ لپاره د ۱۲،۵ میلیون ډالرو په ارزښت نوې قرارداد منظور کړی

د امریکا متحده ایالاتو دفاع وزارت یا پنټاګان وایي، د افغان امنیتي او دفاعي ځواکونو لپاره د ۱۲،۵ میلیون ډالرو په ارزښت یوه نوې قرارداد منظور کړی دی.

د پنټاګان له خوا په خپره شوې خبرپاڼه کې راغلي دي، چې په نیو جرسي ایالت کې میشت انټګریټید مایکروویف ټکنالوژي کمپني ته د ۱۲،۵۸۳،۰۳۵ ډالرو په ارزښت یوه نوې قرارداد ورکړل شوی دی.

خبرپاڼه زیاتوي، چې د قرارداد پر اساس یاد شرکت به د افغان امنیتي او دفاعي ځواکونو د استخباراتي وړتیاو د لوړولو په خاطر د اړتیاوړ تجهیزات برابره کړي.

ټاکل شوې چې افغان پوځ د ۲۰۲۰ میلادي کال تر ۲۴ سپټمبر پورې د استخباراتي او کشفي معلوماتو ترلاسه کوونکي تجهیزات له یاد شرکت څخه ترلاسه کړي.

دا په داسې حال کې ده چې افغان حکومت او په افغانستان کې میشت ناټو ځواکونه د افغان امنیتي او دفاعي ځواکونو د تجهیز په اړه خپلې هڅې او فعالیتونه ګړندي ګړي دي.

افغان هوایي ځواکونه کابو دوه میاشتې مخکې له ناټو ځواکونو څخه د UH-۶۰ یا بلک هاک هلیکوپټرو لومړی جوپه هم ترلاسه کړل.

سرچینه: خامه پرس

سرچينه : د صدای افغان خبری آژانس(آوا)
https://avapress.com/vdcgxw9q7ak9nx4.1gra.html
تبصره پوسټ کړئ
ستاسو نوم
ستاسو دبرېښنا ليک پته