د افغانستان د اسلامي جمهوریت جمهور رئیس محمداشرف غني نن له غرمې مخکې د افغانستان او پاکستان لپاره د چین ولسي جمهوریت له ځانګړي استازي دینګ شیجون سره وکتل.
په دې کتنه کې چې په ارګ کې ترسره شوه، ښاغلي دینګ شیجون وویل، افغانستان د چین یو مهم شریک دی او په همدې دلیل چین له افغانستان سره په ګډه هڅه کوي، چې په سیمه کې د ترهګري د له منځه وړلو، په افغانستان کې د پایداره سولې د تامین او اقتصادي پرمختګ په برخه کې کار وکړي.
د افغانستان او پاکستان لپاره د چین ولسي جمهوریت استازي په سیمه کې د امنیتي وضعیت د ښه والي په برخه کې د افغانستان د هڅو ستاینه وکړه او مهمې یې وبللې.
جمهور رئیس غني له افغانستان سره په بېلابېلو برخو کې د چین هېواد د مرستو قدرداني وکړه او په افغانستان کې د پرمختګ، د سولې د تامین او د سیمې د امنیت د ټینګښت په برخه کې یې د چین هڅې ارزښتناکې وبللې.
د هېواد جمهور رئیس وویل، باعزته او پایداره سوله د افغانستان اساسي غوښتنه ده . هغه زیاته کړه په افغانستان کې د سولې تامین دوه بعدونه لري، یو له پاکستان او دویم له طالبانو سره سوله .
جمهور رئیس څرګنده کړه، چې د پاکستان حکومت دې په خپله خاوره کې د هغو ترهګرو او ورانکارو ډلو پر وړاندې اقدام وکړي، چې د افغانستان د خلکو پر ضد د جنګ اعلان کوي. هغه وویل، دا اقدام به د ترهګرو د له منځه وړلو او په افغانستان کې د پایداره سولې د صادقانه همکارۍ ښکارندوی وي.
محمداشرف غني ترهګري د افغانستان ، پاکستان او ټولې سیمې لپاره یو ګډ تهدید وباله او د دغه خطر د له منځه وړلو لپاره یې په ګډه او صادقانه مبارزه ټینګار وکړ.
په دې کتنه کې چې په ارګ کې ترسره شوه، ښاغلي دینګ شیجون وویل، افغانستان د چین یو مهم شریک دی او په همدې دلیل چین له افغانستان سره په ګډه هڅه کوي، چې په سیمه کې د ترهګري د له منځه وړلو، په افغانستان کې د پایداره سولې د تامین او اقتصادي پرمختګ په برخه کې کار وکړي.
د افغانستان او پاکستان لپاره د چین ولسي جمهوریت استازي په سیمه کې د امنیتي وضعیت د ښه والي په برخه کې د افغانستان د هڅو ستاینه وکړه او مهمې یې وبللې.
جمهور رئیس غني له افغانستان سره په بېلابېلو برخو کې د چین هېواد د مرستو قدرداني وکړه او په افغانستان کې د پرمختګ، د سولې د تامین او د سیمې د امنیت د ټینګښت په برخه کې یې د چین هڅې ارزښتناکې وبللې.
د هېواد جمهور رئیس وویل، باعزته او پایداره سوله د افغانستان اساسي غوښتنه ده . هغه زیاته کړه په افغانستان کې د سولې تامین دوه بعدونه لري، یو له پاکستان او دویم له طالبانو سره سوله .
جمهور رئیس څرګنده کړه، چې د پاکستان حکومت دې په خپله خاوره کې د هغو ترهګرو او ورانکارو ډلو پر وړاندې اقدام وکړي، چې د افغانستان د خلکو پر ضد د جنګ اعلان کوي. هغه وویل، دا اقدام به د ترهګرو د له منځه وړلو او په افغانستان کې د پایداره سولې د صادقانه همکارۍ ښکارندوی وي.
محمداشرف غني ترهګري د افغانستان ، پاکستان او ټولې سیمې لپاره یو ګډ تهدید وباله او د دغه خطر د له منځه وړلو لپاره یې په ګډه او صادقانه مبارزه ټینګار وکړ.
سرچينه : د صدای افغان خبری آژانس(آوا)
