توصيه مطلب
۰
 
مخابراتو وزارت: د سږکال تر پایه ۱۶میلیارده افغانۍ لاسته راوړو
تاریخ انتشار : دوشنبه ۲۴ میزان ۱۳۹۶ ساعت ۱۶:۰۰

د افغانستان د مخابراتو وزارت وایي چې د سږکال په لومړېو شپږو میاشتو کې يې له اتو میلیاردو افغانیو څخه زیات عواید لاسته راوړي چې د تېر کال د همدې مودې په پرتله دوه میلیارده افغانۍ زیاتوالي ښيي.

د دغه وزارت ویاند نجیب ننګیال نن ازادي راډیو ته وویل، د سږکال تر پایه به څه باندې ۱۶ میلیارده افغانۍ لاسته راوړي چې تېر کال دا رقم ۱۴ میلیارده افغانۍ وو.

نوموړي زیاته کړه: "سږکال چې زموږ مالي کال لا ختم نه دی موږ اته میلیارده او اته سوه مېلیونه افغانۍ لاسته رواړي."

ښاغلی ننګیال وايي چې دغه عواید یې د مخابراتي خدمتونو او افغان پوست څخه ترلاسه کړي دي.

Share/Save/Bookmark
د مطلب کود: 151508
سرچينه : د صدای افغان خبری آژانس(آوا)