توصيه مطلب
۰
 
عباسي: د پاکستان د هلو ځلو تخریب امریکا ته تاوان لري
تاریخ انتشار : سه شنبه ۲۱ سنبله ۱۳۹۶ ساعت ۱۱:۳۸

د پاکستان صدراعظم وايي، هېواد یې له ترورېزم سره مبارزه کړې او د پاکستان د هلو ځلو تخریب امریکا ته تاوان لري.

شاهد خاقان عباسي، پرون دوشنبه په اسلام اباد کې له رویټرز خبري اژانس سره په مرکه کې وویل، له پاکستان سره د امریکا د پوځ د مرستو بندېدا د امریکا په ګټه نه ده.

"موږ د ترورېزم پر ضد په مبارزه بوخت یوو. هر کار چې په دې برخه کې زموږ هلې ځلې تخریب کړي، یوازې د امریکا هڅو ته تاوان اړوي."

د پاکستان صدراعظم دا څرګندونې په داسې وخت کې وکړې چې د امریکا ولسمشر ډونالډ ترمپ د افغانستان او سیمې لپاره خپله نوې ستراتیژي اعلان کړه او ویې ویل چې پاکستان په خپله خاوره کې د سختدریځو د پناهځایونو پر ضد اقدام نه دی کړی.

ده په عین حال کې خبرداری ورکړ چې نور به د پاکستان په خاوره کې د سختدریځو پناهځایونه ونه زغمي.

Share/Save/Bookmark
د مطلب کود: 149698
سرچينه : د صدای افغان خبری آژانس(آوا)