په شمال کې پر ۲۰۹ شاهین قول اردو خونړی برید په تړاو، د یاد قول اردو قوماندانان او ګن شمېر افسران په حبس محکوم شوي.
د صدای افغان خبری آژانس(افغان غږ خبری آژانس)، د ملي دفاع وزارت ویاند جنرال دولت وزیري وایي، د پوځي محکمې پريکړې پر بنسټ، د ۲۰۹ شاهین قول اردو قومندان تورن جنرال مومند کټوازی په یو کال حس محکوم شوی دی.
هغه زیاته کړه، چې د ۲۰۹ شاهین قول اردو رییس ارکان برید جنرال عبدالروف محتاج هم په یو کال حبس محکوم شوی دی.
پر شاهین قول اردو برید نږدې دوه میاشتې مخکې ترسره شوه چې په ترڅ کې لږ تر لږه د ملي اردو ۱۳۵ تنه افسران او سرتیري ووژل شول او تر ۶۰ زیات کسان ټپیان شول.
د ملي دفاع وزارت چارواکو په وینا، په وژل شویو کې ۱۰ افسران، ۲۶ بریدملان، ۹۴ سرتېري او ۵ ملکیان شامل وو.
د چارواکو په وینا، په ټپیانو کې هم ۲ افسران، ۱۵ بریدملان، او ۴۷ سرتېري شامل دي.
