توصيه مطلب
۰
 
د کابل رجال برجسته خونړی برید اصلي طراح ووژل شو
تاریخ انتشار : دوشنبه ۲۰ سنبله ۱۳۹۶ ساعت ۱۱:۵۴

ه پلازمینې کابل کې پر رجال برجسته ریاست د خونړی برید طراح د امنیتي ځواکونو د ځانګړي عملیات په ترڅ کې وژل شوی.

د کورنیو چارو وزارت له خوا په خپره شوې خبرپاڼه کې راغلي دي، چې د دغه خونړی برید اصلي طراح چې دریا خان نومېده تیره شپه د یوه ځانګړي عملیات په ترڅ کې په مرکز لوګر ولایت کې ووژل شو.

خبرباڼه زیاتوي، چې دغه عملیات د لوګر مرکز اړوند په انعام کلي کې ترسره شوي.

د کورنیو چارو وزارت په وینا، په دغه عملیات کې د حقاني ترهګرې شبکې درې نور مهم قوماندانان هم وژل شوي دي.

کورنیو چارو وزارت وایي، په وژل شویو کې عبدالرحمن مشهور په عمري د چاودیدونکو توکو تنظیم او اکمال کوونکي، قاري ارشاد، او ملا هیبت الله شامل دي.

په خبرپاڼه کې راغلي دي، چې دغه ډله د کابل رجال برجسته پر ریاست د برید ترڅنګ په لوګر ولایت کې په ګڼ شمېر نور ډلییز بریدونو کې هم برخه درلودل.

د دولت ضد وسله والې ډلې تر اوسه په دې اړه څه نه دي ویلي.

Share/Save/Bookmark
د مطلب کود: 149642
سرچينه : د صدای افغان خبری آژانس(آوا)