د ولسمشرۍ د رسنیو دفتر په ډاګه کړې، چې د سېشنبې پر ورځ(د مرمومې ۲۶) د ټاکنو خپلواک کمیسیون نوي غړي سیدحفیظ الله هاشمي د جمهوررییس محمد اشرف غني په شتوالي کې د لوړې مراسم پرځای کړل.
د ولسمشرۍ د خبرپاڼې له مخې؛ په دغو مراسمو کې، چې په ارګ کې ترسره شول، د ولسمرۍ دوه یم مرستیال محمد سرور دانش، د حکومت اجرائیه رییس داکتر عبدالله عبدالله، لوی څارنوال محمدفرید حمیدي، د سترې محکمې غړی قضاوتپوه محمد زمان سنګري او د ټاکنو خپلواک کمیسیون کمیشنرانو حضور درلود.
د لوړې له مراسمو وروسته، د هېواد ولسمشر نوي کمیشنر سید حفیظ الله هاشمي ته د بریالیتوب هیله کړې او ورته یې د قانوني کړنو د ټینګار تر څنګ په ډاګه کړې، چې ستاسې تعهد له ملت سره دی او دغه تعهد باید پلی شي.
دغه راز ولسمشر د ټاکنیزو کمیسیونونو پر اتفاق، همغږۍ او ګډ کار ټینګار هم څرګند کړی دی.
سرچينه : د صدای افغان خبری آژانس(آوا)
