د میدان وردګو والې ښاغلي عبدالمجید خوږیاڼی له لورې د نرخ ولسوالۍ د ۵۲ سیلاب ځپلو کورنیو سره نن ( شنبه ) د ۷ قلمه بېلابېلو توکو مرسته وشوه.
دغه مرسته،چې د ولایت په مقام کې د یادو کورنیو مسؤلینو ته ورکړل شوه په کې غوړی،وریجې،بوره،نخود،اوړه،اوبه او د والیبال توپونه شامل وو.
تر دې وړاندې هم د میدان وردګو والې ښاغلي عبدالمجید خوږیاڼي له یادو سیلاب ځپلو کورنیو سره د خیمو او پځلانځي بشپړ توکو مرسته کړې وه.
همدا راز له یادو کورنیو سره د مرستندویه ادارو له لورې ۸ زره نغدي او یو شمېر نورو توکو مرسته هم شوې ده.