د ملګروملتو د کډوالو د چارو لویه کمیشنري وايي چې د سوریې د کړکېچ له کبله لږترلږه ۳ ملیون خلک کډوال شوي دي.
د دې کمیشنرۍ په وینا دا هغه کسان دي چې دوي ثبت او رجسټر کړي دي. د ملګروملتو د کډوالو د لویې کمیشنرۍ په وینا د سوریې د بحران په وجه د دغه هېواد د ټول نفوس کابو نیمايي خلک د خپلو کورونو پرېښودلو ته اړ شوي دي.
د سوریې زیاتره کډوال ګاونډیو هیوادونو ته کډه شوي چې د هغو په منځ کې یو ملیون او یولک کسان یوازې لبنان ته تللي دي.