د افغانستان د سوداګرۍ او صنایع ملي نندارتون نن کابل کې پرانستل شو.
د افغانستان د سوداګرۍ خونې مرستیال عتیق الله نصرت د یاد نندارتون هدف د خصوصي سکټور څخه ملاتړ او د کورنیو تولیداتو پراختیا وبلل.
ښاغلي نصرت وویل، چې دغه نندارتون به د درو ورځو لپاره د خلکو پرمخ پرانستی وي چې؛ په یوسل او شل غرفو کې به کورني تولیدات نمونې ایښودل شوي وي.
د افغانستان د سوداګرۍ خونې د معلوماتو له مخې؛ په دغه نندارتون کې پنځوس افغاني شرکتونه خپل کورني تولیدات نندارې ته وړاندي کوي.