د کندهار چارواکي وايي، د دغه ولایت لپاره د طالبانو له خوا نومول شوی والي وژل شوی دی.
د کندهار د ولایت د رسنیو مسوول دوا خان مینه پال آزادې راډیو ته ویلي چې؛ واسع نومی له خپلو درېیو تنو ملګرو سره د پولیسو په یوه کمین کې وژل شوی.
د طالبانو دغه چارواکی داسې مهال وژل شوی چې؛ دغې ډلې د افغانستان د انتخاباتو د بهیر د ګډوډولو لپاره ډېرې هڅې کړې دي.
خو له امنیتي ګواښونو سره سره میلیونونه افغانان په ټول افغانستان کې د رایو مرکزونو ته ولاړل او خپلې رایې یې وکارولې.