د افغانستان د عامې روغتیا وزارت وايي، ښايي د کابل د پرونۍ حملې د تلفاتو شمېر زیات شي.
د دغه وزارت ویاند وحید مجروح ازادي راډیو ته وویل، په ټپیانو کې د ۵ تنو حال نازک دی:
"د ټپیانو له منځه د پنځو تنو روغتیايي حال نازک دی، اکثره سوځېدلي دي؛ د سوځېدلو کسانو وضعیت په دوو تر درو ورځو کې ښه کېږي."
د عامې روغتیا وزارت وايي په کابل کې د تبیان پر کلتوري او ټولنیز مرکز په پرونۍ حمله کې، چې داعش یې مسوولیت په غاړه واخیست، ۴۱ تنه وژل شوي او ۸۴ نور ژوبل شوي دي.