په پلازمینې کابل ښار کې درې پر له پسې چاودنې لږ تر لږه څلور کسانو ته مرګ ژوبله اوښتې ده.
پیښه تیره ماښام ناوخته د لومړی امنیتي حوزې په اړوند سیمه کې رامنځته شوې ده.
د کابل امنیه قوماندانی یوه ویاند بصیر مجاهد وایي، پیښه شاوخوا ۶:۲۰ دقیقې سپین زر هوټل ته څېرمه هغه مهال رامنځته شوه کله چې نامعلومو وسله والو پر یوه امنیتي پوسته لاسې بمونه وغورځول.
نومړی زیاته کړه، چې د برید په ترڅ کې یوه ملکي وګړی وژل شوی او دې پولیس منسوبین ټپیان دي.
تر اوسه کوم چا یا ډلې د برید مسئولیت په غاړه نه دی اخیستی.
دا په داسې حال کې ده چې تیره ورځ د سهار په وخت هم د یوې چاودنې په ترڅ کې یو تن ووژل شو.
پیښه تیره ورځ شاوخوا ۷ بجې د اتمې امنیتي حوزې اړوند په بنې حصار سیمه کې هغه مهال رامنځته شوه کله چې په یوه فیلډر ډوله موټر کې ځای پر ځای شوی ماین وچاودید.
دریافت صفحه با کد QR