د پاکستان په پیښور ښار کې د اوړو له یوه فابریکې څخه د اسلامي دولت نومې ډلې یا داعش پلویانو یوه مرکز کشف شوی دی.
د ځایي چارواکو په وینا، د اوړو دغه فابریکه د پیښور په یوه لیری پرته سیمه کې فعالیت درلود.
د پاکستاني امنیتي چارواکو په وینا، د داعش وسله والو دغه مرکز کابو درې میاشتې مخکې د یوه ګډ پوځې عملیات په ترڅ کشف شوی.
چارواکي زیاتوي، چې د عملیات په ترڅ کې د اعش یوه لوړپوړي قوماندان او دسیمې مشر چې خلیل نومېده هم ووژل شو.
د چارواکو په وینا، د نښو پهترڅ کې د خلیل یو ملګری هم وژل شوی و او د پاکستان امنیتي ځواکونو پنځه سرتیري ټپیان شوي وه.
د پاکستان امنیتي سرچینې د نوم نه ښودلو په شرط رسینو ته ویلي چې د فابریکې پر ضد عملیات وروسته له هغه پیل شوه چې وسله والو له فابریکې څخه د امنیتي ځواکونو پر ضد په عملیات تو بریدونو بوخت ول.
سرچینې زیاتوي، چې د داعشیانو په بریدونو کې یو شمېر پولیس سرتیري وژل شوي وو.
د اسلامي دولت نومې ډلې تر اوسه په دې اړه څه نه دي ویلي.