د سرپل والي ظاهر وحدت یک تلویزیون ته ویلي چې وسله والو طالبانو د دغه ولایت د صیاد ولسوالۍ د میرزاولنګ سیمې له نیول کیدو وروسته نږدې ۵۰تنه ملکي وګړي وژلي دي.
د ښاغلي وحدت په وینا په وژل شوو کسانو کې پنځه تنه ولسي پاڅون کوونکي او پاتې نور یې ملکي وګړي دي.
وسله والو طالبانو تیره ورځ (شنبې د زمري ۱۴) له څو خواوو د سرپل ولایت پر صیاد ولسوالۍ برید وکړ چې په ترڅ کې یې د دغې ولسوالۍ میرزاولنګ سیمه په خپل کنټرول کې راوسته.