ناپیژانده کسانو د هرات ولایت شیدایی سیمه کی د کوچنیانو پر روغتون باندی برید وکړ چی په نتیجه کی یی دوه پولیس شهید او ټپی سوی دی.

د آوا د خبر له مخی، محمد رفیق شیرزی، د هرات حوزوی روغتون ویاندی د آوا و خبرنګار ته وویل چی دا برید د کوچنیانو روغتون پر امنیتی پوسته باندی ترسره سو.
د هغه په وینا، امنیتی ځواکونو څخه یو تن شهید او یو تن هم تپی سوی دی.
هغه وویل چی ددی پیښی یواځنۍ ټپی ته لازم رسیدګی کیږی.
له بلی خوا هم جیلانی فرهاد د هرات والی ویاند ددی خبری تایید ترڅنګ د یو تن د وژل کیدو څخه خبر ورکړ.
هغه په دی اړه نور څه ونه ویل، خو د عاملانو د پیدا کولو لپاره یی د عملیات د شروع څخه خبر ورکړ.
شیدایی سیمه د هرات انجیل ولسوالی باندی مربوطیږی چی یواځی یو روغتون پکښی فعالیت لری او هغه هم یواځی کوچنیانو لپاره دی.
تراوسه نه دی مشخص سوی چی دا برید دکوم ډلی له خوا او د څه لپاره ترسره سوی دی.