د ننګرهار ولایت چارواکي ویلی، په یاد ولایت د خوږیاڼو ولسوالۍ له پاره د وسله والو طالبانو نومول شوی ولسوال په عملیات کې وژل شوی.

د افغان غږ(آوا) آژانس د خبر له مخې، د ننګرهار ولایت د والي ویاند عطاالله خوږیاڼی په دی اړه رسنیوټه وایی، چې د وسله والو هغه نومول شوی ولسوال وفیع الله نومېږي او پر عمر مشهور و، چی د افغان امنیتی ځواکونو په برید کې وژل شوی دی .
سرچنیو زیاتیوی، د افغان ځواکونو په عملیات کې ولسوال وفیع الله وژل شوی دی او ملګری یې ټپي دی.
تر اوسه وسله والو طالبانو په دی اړه رسنیوټه څه ندی ویلی.