په جلال اباد ښار کې د ( کور ښځينه ادبي بهیر) یو شمېر غړو د ښار پاکوني کمپاین تر سره کړ.

په جلال اباد ښار کې د ( کور ښځينه ادبي بهیر) یو شمېر غړو د ښار پاکوني کمپاین تر سره کړ.
د يادې ټولنې مشرې مقدسې احمدزۍ وویل غواړي ښاريانو ته وښيي چې ښار پاک وساتل شي او مېرمنې په دې مبارزه کې ونډه لري.
مقدسې يادونه وکړه: ((نن زموږ ټولې نږدې ۳۰ غړې د ښار په واټونو کې دا کمپاين ترسره کوي، په دې کار سره غواړو چې ښاريانو ته پيغام ورکړو، څو ښار پاک وساتي.))
نوموړې پر ښاروالۍ غږ وکړ چې د ښار د پاکوالي لپاره منظم پلان جوړ او ښاريان په کې راشريک کړي.
احمدزۍ زياته کړه، څو ورځې مخکې يې د ښار په درېيمه ناحيه کې هم ياد کمپاين ترسره کړ او تر دې وروسته غواړي دا لړۍ وغځوي.
تر دې څو اوونۍ مخکې د ننګرهار ښاروالۍ او ولايت مقام د ښار د پاکوالي کمپاين پيل کړی وو او څو ورځې يې دوام درلود.